Ang bilis ng panahon at lilipas nanaman ang isang taon. Excited na ako para next year dahil for the first time ay mae-experience ko na ang Year of the Ox nang may muwang. Taon ng Ox kasi ako pinanganak.  Anyway, dahil nauuso ngayon ang mga Year-end report sa balita, documentaries at blogs, kailangan ko rin mag recap sa mga So Everywhere Trends for 2008. Iba’t-ibang porma ang nauso at malapit nang malaos - mapa-baduy man o sosyalin. Pero ano nga ba ang mga umangat na japorms sa panlasa ng masang Pinoy?

Nawala sa limelight ang OPM Rock Bands (pwera sa E-Heads) at mas kinanta ng mga Pinoy ang music ni Rihanna at Chris Brown. Na-adik din ang iba sa pagtatagalog ng mga kanta nila. Naging R&B era ang taong ito kaya hindi nawala sa fashion trend ang mala-Rihanna Hairstyle. Ang iba, kahit hindi bagay sa kanila, sige parin. Ano nga namang paki ko, buhok nila ‘yon?

Naging makulay ang taong ito, parang rainbow ang mga tao kapag nag-stroll ka sa mall dahil sa colorful fashion of Bright and Neon Clothing. Nangunguna na dito ang Colorful Jeans, Shutter Shades at Scarves. Nagkalat rin ang mga mala-gift ribbons na Gossip-Girl-inspired Headbands at parang naging mandatory accessory ng mga teenagers.

Umusbong din ang pagiging makabayan sa pamamagitan ng mga Patriotic Designed Apparel. Simple pero catchy ang drama ng mga Ninoy Shirts at Clothing by Francis M. Kadalasan ay makikitaan ang mga shirt na ito ng Philippine flag, National Heroes o mapa ng Pilipinas.

Para sa pormang retro, mapapansin na naging mabenta ang mga Jackets with prints all-over. Makulay, trendy at useful during cold season. ‘wag mo nga lang teternohan ng iba pang colorful na damit kung ayaw mong magmukhang optical illusion na nagkatawang tao. Ito ay nababagay sa mga funky, kikay, rockers at call center agents na nilalamig sa aircon.

At ang 2008 most popular fashion craze? Ang Emo Style!

Kung last year ay naging hit ang mga rakista, ngayong taon na ito ay shining moment ng mga Emo. Ang Emo ay isang music genre na nahahanay sa Rock. Unfortunately, naging term na ito para sa mga jologs sa tabi tabi na nakikigaya lang sa unique na pananamit at identity. So, ano nga ba ang pormang Emo?

1) Black-or-any-dark Outfit
2) Emo Bangs (na tinatakpan ang isang mata) effect
3) Black Eyeliner make-up
4) Coffin Bag accessory
5) Skinny jeans, Flashy belt, Black beaded bracelets (optional)
6) at syempre, hindi makukumpleto ang get-up kung wala ang kanilang makabagbag damdaming Emo Hand Signs…

Maaaring ang iba sa inyo ay pinagtawanan o nakigaya sa mga nabanggit na trend. In fairness, naaliw ang mga mata ko sa fashion epidemic na naidulot nila. Marami sa aking mambabasa ang guilty sa aking mga random bashing at naguilty rin ako dahil kung sino pa ang 90% na bumubuhay sa aking hits ay sila pa ang tinatamaan pero nag-eeffort na magcommend sa akin sa e-mail. Hahaha. Inulan ako ng kumento mula sa mga kabataang minsan nang nagpapicture sa Starbucks at mga miyembro ng Parokya ni Edward. But in the end, everyone just learned how to laugh at themselves.

To all, salamat sa pagdaan sa munting space ko sa internet ngayong 2008, at tumagal pa sana ang pamamalagi ng Sosyalera.net!

Nagdaan na ang pinaka-masayang okasyon sa Pilipinas. Pagkalipas ng Bagong Taon ay mamomroblema na ang mga single dahil Valentines Day na ang susunod na ipagdiriwang. Pero bago tayo mag-move on sa susunod na taon, kapansin-pansin parin ang mga samu’t saring pamaskong handog sa lansangan - mga parol, christmas lights at syempre ang mga billboards.

Bukod sa mga nakaka-iritang christmas greetings ng mga pulitiko na naka-tarpaulin, talagang na disturb ako nang makita ko ito along EDSA…

This is probably the most horrible photoshopped billboard I’ve ever seen. Hindi ba nila kayang pagsuutin ng Santa Hat si Gabby Concepcion o talagang nagrecycle nalang nang dating ad picture para hindi na madoble ang talent fee?

ganda mo na, yaman mo pa. mag Lucida DS na tayong lahat!

Lol! What a slogan.

Anyway, I know it’s late but I would like to greet everyone a Merry Christmas and a Prosperous New Year! Kahit hindi epektib, ‘wag natin kalimutang tumalon sa bagong taon, bumili ng mga prutas na bilog at magpagulong ng barya sa sahig.

Uso nanaman ang mga Christmas Parties, Exchange Gifts, Kris Kringle at kung anu-ano pang kaplastikan bigayan ng regalo para ipagdiwang ang spirit of Christmas! Ikaw, nakabili ka na ba para sa Monita o Monito mo? Kung hindi pa, sana naman ay maisip mong magbigay ng kakaiba at hindi ang mga Most Given Gifts of all time. Sa buong buhay mo ay pwedeng nakatanggap o nakapagbigay ka na ng mga sumusunod na regalo:

Photo Frame o Photo Album - Nakakaloko nga naman kapag naka-gift wrap pa ito, mukha kasing mabigat at malaki ang regalo. Pero kapag nabuksan mo na, dyaaraaaan! Photo Album nanaman?! Wala na bang ibang mabili na sakto sa kahon kundi Photo Album?!

Scented Candles - Talagang ginawa yata ang scented candles para gawing regalo. Aminin natin na hindi ito praktikal kasi ipandidisplay mo lang at hindi mo gagamitin ‘pag may brownout. Sayang ang amoy eh.

Tuwalya o Panyo - Masama ang loob ko noong Christmas party namin noong elementary, nagkaroon kami ng exchange gift at kailangan ay worth 100 pesos ang budget. Pagka bonggang bonggang doll house ang binigay ko sa aking Monita. At ang natanggap ko? 5 piraso ng Good Morning Towel.

Parker Ballpen - Di hamak na mas mahal siya sa Panda Ballpen. Sosyalin at naka-case pa. Pero ballpen nalang ba ang sagot sa mga taong walang maisip na panregalo sa lalaki? Actually, nakaka-5 parker ballpen ang daddy ko tuwing pasko galing sa kanyang staff. Kaya ayun, pinanreregalo din nya sa iba. Hahaha.

Angel Figurine - ‘wag naman tayong magbigay ng figurine kung alam naman nating hindi figurine collector ang pagbibigyan. Ito ang isa sa mga bagay na nireregalo para lang masabi na nagregalo ka. So far, may 30+ na akong angel figurine kaya nagmukha na rin akong collector.

Ibang halimbawa ng mga nakakaumay na regalo ay Paper Weight, Mug, Stuffed Toy w/ googly eyes, Pen Holder at iba pang pampasikip sa bahay.

Gasgas na gasgas na ang linyang it’s the thought that counts. C’mon, be true to yourselves! Of course everyone wants to receive things they like, right? Sa pagbibigay ng isang regalo, kailangan natin lagyan ng puso. Hindi ba’t mas thoughtful kung pinag-isipan kahit papano ang ating ibibigay? Lagyan natin ng personal touch o iakma sa taong pagbibigyan. Kahit mura o simpleng bagay lang. Last year, binigyan ako ng kaldero ng ate ko. Pinagtatawanan ko ang regalo nya sakin, pero ngayon, narealize ko na 1 taon ko na pala syang ginagamit panluto ng Lucky Me pancit canton…

…2 Christmas Party ang pupuntahan ko sa weekend. At ang wish ko, ‘wag naman sana ako makatanggap ulit ng bimpo.

At oo, nagpaparinig ako.

Dear Sosyalera,

Uso na ang mga english songs na tinagalog sa Pilipinas ngayon.Tulad na lang ng Umbrella ni Rihanna na ginawan ng tagalog version ni Miss Ganda.
Meron ka bang opinion or comments tungkol dito? Parang nababaduyan kasi ako ngayon sa mga tagalized songs na yan.Wala ng sense of originality ang Philippine Music Industry kung puro tinagalog na lang yung mga sumisikat na kanta.

Best regards,
MC

Dear MC,

Regarding sa iyong tanong, aktuli ay wala naman tayong magagawa sa konsepto ng pagtatagalog ng mga sikat na kanta. I don’t like it but not totally against the trend. Deadma lang. I just find it comedy at nakakagago ang pagcoconvert sa tagalog…

Ako’y napatid, natisod, natapilok… di maingat sa pagmamahal. - from tagalog version of Clumsy.

Ngek. Ang kengkoy. Bukod sa nawawalang sense of originality ng Philippine Music Industry, lumalabas ang pagiging mababaw ng mga Pinoy (kaya sa aking palagay ay dapat ihanay ang mga kantang ‘to sa mga Novelty songs ni Willie Revillame). Pero magsasawa din ang mga producers sa pagtatagalog ng mga sikat na R&B. Nagkataon lang na hit sila ngayon kaya sinasamantala nila ang craze. Tulad dati, nauso ang mga kantang may double meaning at sa kalaunan ay nalaos na rin.

Paniguradong ginawa rin ang mga kantang ‘to para sa masang Pilipino. I’ve checked that you’re residing in UK pero kung nagkataon lang na nandito ka sa Pinas, mapapansin mo na hindi pinapatugtog ang mga Tagalized Songs sa mga Radio Stations na pang Class A-C ang target market. Malay mo, minsan na ring nagreklamo ang mga nakaka-appreciate ng tagalized songs dahil hindi nila nagustuhan ang mga kanta ng Coldplay o Radiohead.

Chill ka lang kung allergic ka sa mga tinagalog na kanta, pagligpas ng ilang buwan ay malamang ibang baduy na music trend nanaman ang mauuso at magtatanong ka ulit sakin. Hehe.

Love Lots,

Leyn

Leyn: Ui, may alam ka bang spa or massage center? Sobrang sakit na talaga ng likod ko. Di na kaya ng pain reliever.
Dax: Of course! May alam ako, pakita ko sayo yung place.

Pinakita sakin ni Dax ang isang website kung san makikita mo ang itsura nang spa na tinutukoy nya - cozy, peaceful, relaxing. Money worth it naman.

Kaso, sila ang magmamasahe sayo…

NYAAAAAAAH! Nang makita ko ang mga Maskuladong Masahista ay parang magic na nawala ang sakit ng likod ko. Wahahaha! Di ko yata ma-imagine na sila magmamasahe saken. Mas gugustuhin ko pa yata sa mga bulag na tig-100 pesos lang habang pinapanood ng madla na minamasahe sa gitna ng mall. Balita ko, may extra service daw ang mga Masahistang ‘to lalo na sa mga bading. Parang mga Tubero* lang.

Kaya sa mga gustong ma-encounter ang mga topless na masahistang ‘to, pasakitin nyo na ang mga likod ‘nyo!

Makikita mo silang parang epidemya - nag-iinuman sa kalsada, nagdo-DOTA sa mga kompyuteran at nagrarap sa mga kanto. Sino pa ba edi ang mga talamak na Hip Hop. Minsan ko nang narinig na ang tawag sa poserong hippie ay BISHOP o Bisayang Hip Hop. Kahit hindi mo sila marinig mag-rap, tanga ka nalang kung hindi mo sila makilala. Isang tingin palang eh damang dama mo na ang aura ng mga BISHOP na ‘to:

Ang kanilang fashion statement? XXL T-shirt, Jersey, Tsinelas, Cap o Bandana, at syempre ang mga Marijuana bling bling. Samahan mo pa ng mga dirty-finger na pose at mga kakaibang hand signs.

Akala mo kung sinong mga cool, pero pag narinig mong mag-rap ay Nang ma-inlab ako sa’yo akala ko pag-ibig mo ay tunay… lang pala ang alam. Uso na rin ang mga kanta nilang magrarap tungkol sa lovelife tapos may revival na love song sa chorus. Yak.

Dito sa Pilipinas, naging bakya ang image ng mga hiphop. Hindi na-adapt ng Local Hiphop ang western approach o kahit man lang istilong Francis M. Sa ibang bansa ay talent ang pagra-rap at self expression ang hiphop style. Dito, ang iba ay nagpapaka-bishop lang para maki-IN sa mga pipichuging frat.

Kinuha ko nga pala ang mga pictures mula sa ibat’-ibang fraternity na nagkalat. O sha, magtatago muna ako, anytime kasi eh pwede na nila akong resbakan.

Pumunta ng Starbucks,
Umorder ng Frap,
Dalhin ang iyong Camera Phone
at siguraduhing may souvenir ka na…

Starbucks Pose!

Matapos ang Friendster Pose, eto naman ang naging IN - ang magpakuha ng litrato kasama ang iyong mamahaling Frap. Make sure lang na kita ang logo ng Starbucks habang pinipiktyuran ang sarili para isipin ng mga taong ibang level ang iyong mga tinatambayan.

Ahaha. Ewan!

Buying Starbucks drink doesn’t make you sosyal. I’ve already read a lot of rantings about feeling-sosy tambays na pa-chill-chill lang sa coffee shop na ‘to. Idagdag mo pa ang nausong Starbucks pose na ‘yan, oh yeah, ano nanamang meron? Ang pagpapa-picture kasama ng iyong Frap ang maikukunsidera kong highest level nang ka-jologan na magagawa mo sa pinakasikat na kapehang ito.

At kung itatanong nyo kung may Starbucks pose ba ako?

…not in my dreams.

Next Attraction: Okrayan Taym Episode 5