Isa ako sa milyung-milyong Pilipino na hindi mabubuo ang araw na hindi nanunuod ng TV. Kung anu-anong series na nga ang nasubaybayan ko mula sa sosyal na Gossip Girl hanggang sa pang-masang Rubi. At sa ilang taong pagkahumaling ko sa TV at local programs, may mga artista at karakter nang nabuo na sa isipan ko na mukhang hindi na magbabago. Yung tipong unang tingin mo pa lang sa artista, kahit hindi mo alam ang storya o iba-ibang programa man sila masali, ay alam mo na kung anong role nila:

Dick Israel - Gumaganap bilang lasenggerong kumpare o kaya manggagantso.

Jason Abalos - Ang role nya ay 3rd wheel sa isang relasyon. Wala kasi syang ka love team kaya kadalasan sawi sa pag-ibig mula sa bidang babae. Kung hindi naging pari si Dominic Ochoa sa May Bukas Pa ay sya na ang 2nd runner up sa karakter na ‘to.

Alessandra de Rossi - Nagmamaldita o kontrabida. Laging pinagkakaitan ng pag-ibig at naninira ng relasyon.

Ryan Eigenmann - Bad boy na mayaman. May tendency na mang-rape o makipag-basag ulo dahil hot tempered sya o lulong sa drugs.

Kitkat, Tuesday Vargas, Kathleen Hermosa at Nikki Valdez - best friend ng leading lady na laging may side comment. Kadalasan, baduy at colorful sila manamit.

Beverly Salviejo - Maingay na tyahin o chismosang katulong.

Kris Aquino - pa-goody ang karakter. Kung anong kinadaldal at taklesa nya sa paghohost ay sobrang lamya at pa-drama ng kanyang mga role. How ironic.

Chinggoy Alonzo - Ang rich daddy. May kaakibat na Don sa unahan na pangalan neto. Kadalasan ay may sakit sa puso at pag namatay ay pag-aagawan ang kayamanan nya.

Lilia Cuntapay - White Lady.
Marami-rami pa yan, paniguradong may naiisip ka rin. At in fairness, swak naman sa acting at itsura nila, pwera kay Kris. Mas makatotohanan ang dating ‘di tulad ng mga artistang mainstream – mga mestisong gumaganap bilang iskwater o conyong mayaman na baliko naman mag-ingles.
























