2009 Pinoy Fashion Trend

Isang katotohanan sa ating kultura ay madali tayong nai-impluwensyahan ng media. Kung ano ang nakikitang suot ng mga artista sa ASAP ay ginagaya ng karamihan. Kaya ang resulta, madali ng ipirata ang uso at pare-pareho na tayo ng porma. At speaking of porma, bago tayo magpaalam sa 2009 ay mag-hello muna tayo sa mga nausong Pinoy street fashion ngayong taon:

10. Mula 2008 ay na-carry over parin ang pagsusuot ng Gladiator Sandals. I can say that this one has been a worthy fashion trend because it fits any style – mapa-casual man or for party.

9. I wanted to have this kind of High Tops (or what they call, Kanye West Shoes) but I’m not the sneakers type of person. Hindi lang ito ordinaryong fashion trend dahil kahit ang mga designer brands tulad ng Louis Vuitton ay gumawa ng ganitong klase ng sapatos.

8. Marami rin ang nahuhumaling sa mga mamahaling Journal dahil sa pagsulpot ng Moleskine hanggang sa sosyalin-kuno na Starbucks Planner. Para sa iba ay okay lang kahit hindi nila sulatan dahil gagamitin lang namang pandisplay.

7. Sa hairstyles, nauso ang Bob Hairstyle para sa mga babae at Military Cut sa mga lalake. Obviously, ito naging patok dahil sa koreanovelang Boys Over FLowers at teleseryeng Tayong Dalawa.

6. As we bid goodbye to ribbon headband, it was replaced by Head Pieces with stones and gems. Same with accessories dahil naging uso ang bib necklace at medyo mahirap humanap ng mga ganitong accessories lalo na yung may kalidad.

5. Sa paraan naman ng pagsusuot, pinauso naman ng ilang artista ang Pocahontas-slash-Hippie look.

4. Isa ka ba sa mga naiirita sa mga Sumbrerong Hiphop na pinapatong lang sa ulo? Oo, hindi sinusuot, pinapatong lang. Medyo malaki kumpara sa pangkaraniwang baseball cap. At tulad nga ng nabanggit ko, naging isang karagdagang pananamit sya ng mga hiphop at pa-cool.

3. Alam nyo bang sa mga babae ay nauso din ang maging cute? Naging inspirasyon ng mga cute ang 2ne1, Wonder Girls at pagsikat ng Asian Poses. Mag-kulot ka ng buhok, mag-suot ng mga mini-skirt at makukulay na damit, mag-headband at i-youtube ang sarili habang kumakanta ng version mo ng mga usong kanta. Parang sila lang…

2. Oo na, sosyal nang tignan pero hindi ko yata kayang suotin to – ang Bunny Ears. Kung susuotin mo to sa Greenbelt 5, Social Parties o Fashion Events ay shala ka. Pero kung gagamitin mo to sa SM o nakasakay ka sa MRT, magmumukha ka lang tanga.

1. At kung last year ay naideklarang Most Popular Fashion Craze ang Emo Style…

…matatawag ko namang The Fall of Emo ang 2009. Nabawas-bawasan na kasi ang mga kabataang nakikita kong nagpopormang emo. Natauhan na siguro sila. Pero kaakibat ng pagka-laos ng emo ay nagkaroon ito ng evolution, ang Foundation Boys. Sila yung mga makakapal maglagay ng foundation na hindi nila kakulay, madalas sobrang puti. At take note, hindi sila babae o bading, mga totoong lalaki sila. Hindi ko alam kung may kinalaman ba sila sa mga emo o sadyang gusto nilang maging kamukha si Edward Cullen.

Paniguradong naobserbahan mo rin ang mga nabanggit ko o kaya’y nakapag-suot ka rin ng mga yan. Nawa’y marami pang kakaiba at katanggap-tanggap na porma ang mauso sa darating na taon. Let’s just wait and see.